Charter Document - 07020885

Innoce[n]tius episcopus servus servorum Dei venerabilibus fratribus archiepiscopo Ebor ejusque suffraganeis et dilectis filiis abbatibus prioribus decanis archidiaconis prepositis et aliis ecclesiarum prelatis per Ebor provinciam constitutis salutem et apostolicam benedictionem Fundamentum aliud ponere nemo potest preter id quod positum est quod est Cristus Jhesus Hic quidem origo inchoantium et constantia robustorum suo sanguine sanctam catholicam fundans ecclesiam juxta prophetarum eximium [vaticinium] in montibus sanctis ejus fundamenta constituit illius super se basibus solidatis et mensuras mensus ejusdem tetendit non tam visibilem quam intelligibilem lineam super eam hinc interdum ducta linea hinc reducta ut in sagena ecclesie ipsius electos includat [et] ab ilia reprobos pro arbitrio ducentis et reducentis excludat Sic sicut ille terrarum celique sator perpetua ratione solus omnia disponit et ordinat inmotusque permanens in se ipso ire jubet singula dat cuncta moveri juxta omnipotentie sue nutum cunctorum motus moderans et processus sic singulis pro sua dividens voluntate hunc vocat et eligit hunc electum in electorum consortium non admittit Hinc etiam si faciat in omnibus mirabilia magna solus super filios tamen hominum terribilis in suis consiliis innotescit Quis enim absque terrore consideret quod gratia Domini solum a vocante conceditur nec ex operibus obtinetur quod indurat quos vult et cujus vult prestando ei misericordiam miseretur quod vocat ea que non sunt tamquam ea que sunt infirma mundi eligens ut fortia queque confundat quod hos exaltari permittit ad casum alios vero humiliat ad ascensum quod super occulta cordis spatia incomprehensibiles dimensionis hujusmodi linee protenduntur ut repellantur aliquando qui secuturos se offerunt et qui relaxari cupiunt admittantur Hujus divisionis tremenda procul dubio hiis diebus prout dividenti placuit sorte in nostra promotione recepta eoque terribiliore quo sublimiori atque honorosi ori super nos distributionis ejusdem cadente funiculo quanto justius non indigne terremur tanto ad caritatem vestram dignius non injuste recurrimus vobisque facti seriem securius ad distribuentis laudem exponimus et humilius orationum vestrarum suffragia imploramus Nuper siquidem sancte ac venerande memorie Gregorius papa patre ac predecessore nostro in continuatione laborum quos ad Dei prosequenda servitia sollers et devotus assumpserat nobisque tunc Ostiensi episcopo ac aliis nostris fratribus quos tam in urbe quam circa ejus confinia jam diversa loca receperant tribus tamen ex illis existentibus circa ipsum de ultramontana redeuntibus regione ac eodem predecessore nostro apud Aretium civitatem Tuscie in infirmitate diebus deductis aliquibus de hoc seculo nequam quod eo dignum forte non erat erepto et ipsius corpore cum exequiarum sollempnitate debita tumulato licet in pastoris substituendi processu eorundem fratrum absentia satisque longa distantia difficultatem non modicam communi hominum judicio minaretur Illo tamen ut firmiter credimus eorundem fratrum corda tangente cui facile est disjuncta conjungere ac inter se distantia in simul adunare nos et fratres iidem omnes quibus id personarum suarum status indulsit sponte ac celeriter convenimus in civitate predicta et in omni mansuetudine spontanei palatium in quo idem predecessor habitarat pridie ante festum Beate Agnetis intrantes in ipso festo summo mane missarum sollempniis in honorem Sancti Spiritus celebratis ex more Ipsiusque gratia votis invocata supplicibus concorditer ad celebrandam electionem instantem scrutinii viam elegimus et assistente Ipso benigno sapientie Spiritu qui devote se invocantibus Ecce assum solet dicere invocata cujus gratia molimina tarditatis ignorat primo celebrato et publicato scrutinio [quod tamen nequaquam aliud sicut nec oportuit est secutum] in humilitatem nostram Dei providentia seu permissione mirabili nobisque nimirum terribili et stupendo iidem fratres nullo discordante unanimiter concordarunt nos ad summi apostolatus evocantes apicem et ipsius onus giganteis etiam tremendum humeris nostris debilibus imponentes O mira Dei potentia O ammirabilis divine providentie in sui dispositione infallibilis magnitudo Quis divitiarum sapientie ac scientie tue altitudinem admirari Quis comprehendere tua miranda judicia Quis investigare sufficit investigabiles vias tuas Ecce id non interjecto quasi hore unius interstitio perfecisti ad quod alias persepe diffusi temporis spatium vix profecit Ecce longe distantes ab invicem corporibus coadunati celeriter et in eo ipsorum animos quasi subito conjunxisti in quo alias cohabitatione conjunctos longa dissensio separavit Hec profecto pie Jhesu Tui sunt muneris Tui doni Qui pacis et unitatis amator utraque unum faciens e diverso venientes parietes munivisti In hiis itaque licet nos gravis nec immerito stupor invaserit Ejus tamen Quem ipsorum actorem fideliter supponimus et humiliter profitemur consideratio confortavit ut quamvis injuncti oneris molem insufficientia nostra refugeret de superabundantia tamen plenitudinis sue confisi Ei nostre inbecillitatis subjecerimus imperfectum sperantes quod operi manuum suarum dexteram porriget nec nos impremeditatum et inscium dispositione sua in tam profundi maris altitudine positum derelinquet Ad quod promptius obtinendum vestrorum suffragiorum opitulationem exquirimus studiosam in hoc opem et operam affectamus universitatem vestram affectuose monentes rogantes qua possumus instantia [et] exhortantes quatinus pensato consultius quod in partem estis tante sollicitudinis evocati in gregibus cure vestre commissis pro viribus solliciti pastoris partes satagentes implere Moysi manus debiles cujus licet insufficientibus mentis tipum in Domini populo gerimus vestris intercessionibus sustentetis apud Ilium Qui hujusmodi nobis onus imposuit devotis precibus insistentes ut non patiatur ipsius mole nos opprimi ipsius pressura substerni sed debilitatem nostram sub robore fulciat suaque virtute confortet ut sic inde commissi executione regiminis ejus prosequamur beneplacitum quod eterne retributionis gloriam et sequamur attentius et de sue benignitatis gratia efficacius consequamur Ceterum fratres et filii affectum vobis caritative benignitatis expandimus et summam caritatis solvere aperimus proponentes quantum cum Deo poterimus honori vestro deferre ac vestra et ecclesiarum vestrarum comoda pro quibus ad nos recurrere cum securitate poteritis in prompti tubine benivolentie promovere Datum Lateran vi kalendas Martii pontificatus nostri anno primo