Charter Document - 07020858
| Charter Number: | 07020858 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Absolution |
| Date: | 1275 |
| Date type: | Internal, A.D., Calendar, Episcopal |
| Resource Link(s): |
Borthwick Institute - Register 2 (f122v) |
Charter:
W[alterus] permissione [] dilecto in Cristo filio officiali archidiaconi Clivelandie benedictionem gratiam et salutem In nostra presentia constitutus Johannes de Elveredby lator presentium intimavit quod cum Dei timore postposito in Rogerum de Neuton presbiterum manus injecisset temere violentas super illa injuria dicto presbitero satisfecit postea competenter Ad cujus satisfactionis probationem nobis litteras patentes exhibuit presbiteri memorati Et quia idem Johannes a nobis crucis signaculo meruit insigniri et levis fuisset seu modica injuria irrogata eundem auctoritate Apostolica nobis in crucis negotio attributa in forma juris duximus absolvendum eum ad vos remittentes taliter absolutum et idem de bonis suis propriis impendere debet [in] subsidium Terre Sancte videlicet quinque solidos sterlingorum cum super hoc ex parte pape fuerit requisitus Unde vobis mandamus quatinus non permittatis sibi molestiam inferri vel gravamen aliquatenus in hac parte Datum apud Burton juxta Beverlacum v idus Martii anno domini MCCLXXIIIJ et pontificatus nostri nono