Charter Document - 07020857
| Charter Number: | 07020857 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Order |
| Date: | 1275 |
| Date type: | Internal, A.D., Calendar |
| Resource Link(s): |
Borthwick Institute - Register 2 (f122) |
Charter:
W[alterus] permissione [] dilecto in Cristo filio [] archidiacono Cliveland vel ejus officiali cum benedictione gratie plenitudinem et salutis Mandatum domini pape nuper super crucis negotio recepimus exequendum In quo mandato inter alia continetur quod nos illud faciamus quod de trunco in generali concilio ordinatum extitit observari videlicet ut in singulis ecclesiis truncus ponatur uni clavus tribus clavibus consignatus prima penes episcopum secunda penes ecclesie sacerdotem tertia penes aliquem religiosum laycum conservandis et ut in eo fideles quilibet juxta quod Dominus eorum mentibus inspiraverit suas elemosinas deponere in remissionem suorum peccaminum moveantur Et in ipsis ecclesiis semel in ebdomada pro remissione peccatorum et presertim offerentium elemosinas certa die quam tamen sacerdos pronunciet populo missa publice decantetur Quocirca vobis mandamus in virtute obedientie qua nobis et Sedi Apostolice tenemini firmiter injungentes quatinus istum articulum in singulis ecclesiis dicti archidiaconatus sine more dispendio faciatis effectum mancipari Proviso quod singule claves si[n]gulorum decanatum que penes nos remanere debent prout superius est expressum penes decanos nostro custodienda nomine deponantur aliter vos habentes in negotio memorato ut exinde apud Deum vestrorum augeatur cumulus meritorum Valeatis Datum apud Cawod xiiij kalendas Martii Anno domini MCCLXX quarto et pontificatus nostri ix Sub forma autem prescripta directa fuit presens littera omnibus archidiaconis per Ebor dioecesim constitutis