Charter Document - 07020852
| Charter Number: | 07020852 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Bond |
| Date: | 1275 |
| Date type: | Internal, A.D., Calendar, Episcopal |
| Resource Link(s): |
Borthwick Institute - Register 2 (f121r) |
Charter:
Pateat universis ad quorum notitiam pervenerit hec scriptura quod ego Johannes de Evesham venerabili patri W[alterus] permissione divina Ebor Archiepiscopo Anglie primas spopondi viginti libras sterlingorum pro misericordia in qua me posui pro quibusdam transgressionibus et etiam forisfacturis que contra magistrum Alexandrum de Cave decanum Beverlaci perperam attemptavi per hoc dicto patri contumeliam inferendo et ipsius pacem temere perturbando et promitto quod de cetero in villa Beverlaci honeste et pacifice conversabor Et si contingat quod absit me pacem perturbare in eadem villa vel aliquem de clericis dicti domini archiepiscopi percutere vel etiam ibidem alicui de suis injuriam irrogare volo et concedo quod dictus dominus a me recipiat pecuniam integraliter memoratam dum tamen super delicto convictus fuero in hac parte Quam quidem pecuniam me promitto fideliter soluturum cum super hoc a ballivo Beverlaci dicti domini fuero requisitus me subiciens in premissis omni districtioni et cohercioni pro solutione dicte pecunie facienda secundum quod dicto domino archiepiscopo placuerit sepe fato renuncians insuper in premissis omni cavillationi regie prohibitioni omni privilegio crucesignatis indulto et etiam indulgendo et omni juris remedio per quod me possem defendere vel tueri In cujus rei testimonium sigilli mei apposuimus huic scripto Datum apud Burton juxta Beverlacum ij idus Martii Anno domini MCCLXX quarto et pontificatus domini Archiepiscopo anno nono