Charter Document - 07020824
| Charter Number: | 07020824 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Appointment |
| Date: | 1275 |
| Date type: | Internal, A.D., Calendar |
| Resource Link(s): |
Borthwick Institute - Register 2 (f118v) |
Charter:
W[alterus] permissione [] dilecto in Cristo filio officiali nostro Ebor magistris Willelmo de Pottho et Hugone de Sancto Oswaldo sequestrator nostro Ebor salutem [] Salus et sanguis subditorum ante tribunal Dei terrificum a manibus prelatorum torpentium exactissime et honorifice requirentur Ve igitur si morum reformationes quatenus sufficimus non sparserimus in errantes Ve si ea tacuerimus qua die messionis extreme eternam gloriam afferent plebi Cristi Studiis quidem in Salvatore resumptis et juribus vobis de quorum industria fidelitate et vigilantia confidimus super certis articulis hic infra redactis vices nostras et officium in clero et populo nostre dioecesis in judicio et extra judicialiter et summarie committimus inquirendi et secundum premissos articulos secundum juris communis exigentiam procedendi injungentes vobis in virtute sancta devotionis et obedientie et sub obtestatione extremi judicii ut sine personarum delectu debite incedentes quid inquirentes inveneritis et duxeritis faciendum nobis citra octavas Sancte Trinitatis fideliter rescribatis Si quid autem gratie vel favoris merita exegerint devotorum id per nos ipsos volumus omnino in hiis que possumus adimpleri Datum apud Wilton sexto idus Aprili anno gratie MCCLXXV