Charter Document - 07020817
| Charter Number: | 07020817 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Acknowledgment |
| Date: | 1165 - 1181 |
| Date type: | Assigned |
| Resource Link(s): |
Borthwick Institute - Register 2 (f116v) |
Charter:
Reverentissimo domino suo et patri Alexander summo pontifici Willelmus Dei gratia rex Scottorum salutem et devotam reverentiam Noverit excellentia vestra quod de subjectione ecclesie Scotie quam Ebor ecclesia antiquo jure sibi vendicat tam ex scriptis autenticis que inspexi quam ex relatione et testimonio virorum antiquorum autenticorum et veridicorum diligenter veritatem investigando comperi quod ab antiquis temporibus ad Ebor ecclesiam de jure pertineat et quod possessionem ejus hostilitate et potentia regum predecessorum meorum amiserit set jam per gratiam Dei inter dominum meum regem Anglie et me pace inperpetuum reformata suppliciter postulo quatinus domino meo regi et regno suo et Ebor ecclesie predictam possessionem et subjectionem vestra auctoritate omni occasione et appellatione remota restitui et redintegrari precipiatis nec sine maximo dampno meo et terre mee detrimento deteriorari potest quin ita fiat quoniam pace reformata ita inter dominum meum regem et me convenit et illud idem juramento firmavi Scio enim quod in maximum dampnum animarum nostrarum redundaret si id quod pro certo scimus competere debere effectui non manciparetur Valeat semper sanctitas vestra