Charter Document - 07020801
| Charter Number: | 07020801 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1276 |
| Date type: | Internal, A.D., Calendar |
| Resource Link(s): |
Borthwick Institute - Register 2 (f112r) |
Charter:
Johannes de Lunda prior conventualis ecclesie de Boulton in Cravene et ejusdem loci conventus dilecto sibi in Cristo Ricardo dicto Handbaud de Schireburn in Elmete clerico salutem in salutis Auctore Propter nota probitatis vestra merita personam vestram honorare volentes vobis quadraginta solidos sterlingorum annua pensionis concedimus intuitu caritatis de camera nostra percipiendos ad duos anni terminos videlicet in festo Pentecostes et in festo Sancti Michaelis in hyeme pro equalibus portionibus quousque vobis in ecclesiastico beneficio duxerimus providendum Quam quidem provisionem vobis facere promittimus bona fide quam primum facultas se obtulerit in hac parte exceptis tamen domino Ricardo de Wassaund magistro Thoma de Dinnington et magistro Ada de Hamundesham clericis nostris quibus prius in beneficio ecclesiastico tenebamur obligati et adhuc per cartam nostram tenemur In cujus rei testimonium has litteras nostri communis sigilli robore communitas vobis duximus concedendas Valeatis Datum apud Boulton viij idus Februarii Anno domini MCCLXX quinto