Charter Document - 07020798
| Charter Number: | 07020798 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Election |
| Date: | 1276 |
| Date type: | Internal, A.D., Feast |
| Resource Link(s): |
Borthwick Institute - Register 2 (f111v) |
Charter:
Anno Domini MCCLXX sexto die Annunciationis Beate Marie vacante hospitali Sancti Petri Ebor per ingressum fratris Thome in Ordine[m] Minorum nuper magistri ejusdem vocatis omnibus canonicis Ebor ecclesie qui fuerunt tunc temporis in regno Anglie ad crastinum Ascensionis Domini ad eligendum magistrum in hospitali predicto presentibus in capitulo Ebor qui voluerunt debuerunt et potuerunt com[m]ode interesse placuit omnibus tunc presentibus in electione ipsa per viam procedere compromissi Unde nos Willelmus cancellarius Thomas de Ludham et Stephanus de Sutton canonici com promittimus in dominos decanum archidiaconum et Johannem le Gras canonicos ut vice sua et nostra dicto hospitali per electionem canonicam provideant de magistro promittentes quod ipsum quem illi tres vel unus vice sua et omnium concorditer elegerint vel elegerit pro magistro ipsius hospitalis habebimus et rectore In cujus rei testimonium sigilla nostra et capituli appendi fecimus huic scripto Acta in capitulo die Sab[b]ati proxima post Ascensionem Domini continuata cum die Veneris proximo precedenti anno Domini supradicto