Charter Document - 07020766

W[alterus] permissione divina Ebor Archiepiscopo Anglie primas dilectis in Cristo filiis Johanni de Hesel rectori ecclesie de Elvele et Hugoni ballivo de Beverlaco salutem [] Datum est nobis intelligi quod prior de Feriby ordinis Templi Domini ad partes transmarinas de mandato sui abbatis se transferre proponit et pro expensis itineris sui duas partes bladi et instaura domus de Feriby vendere et distra[h]ere proponit tertiam tantum ad victum fratrum domi commorantium dimittendo Cum igitur bona domus predicte ad susten[ta]tionem fratrum predictorum et hospitum specialiter assignentur et si premissa distractio fieret ad neutra sufficerent set oporteret incolas exulare vobis mandamus firmiter injungentes quatinus ad dictum prioratum personaliter accedentes priorem ipsum moneatis ex parte nostra et efficaciter inducatis quod a presumptione pretacta desistat et ad peregrinationem suam aliunde sibi querat expensas vel per provisionem vestram moderatas accipiat ne sue profectionis impedimentum nobis possit impingere vel fratres domus cogantur improbe mendicare Ipsis etiam fratribus insuper injungatis quod res et possessiones suas fideliter et honeste custodiant et distractionem premissam fieri non permittant Quod si prior vel fratres monitioni vestre rite facte parere contempserint tu rector per suspensionis et excommunicationis sententias ut convenit compescatis alias sicut expedire videritis presumptioni premisse nihilominus resistendo Et quid inde feceritis nobis litteratorie nuncietis Quod si ambo hiis exequendis interesse non poteritis unus vestrum quatenus ad eum pertinet nihilominus exequatur Valeatis Datum apud Lanum vij kalendas Octobre pontificatus nostri anno iiij