Charter Document - 07020764
| Charter Number: | 07020764 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Commission |
| Date: | 1266 - 1279 |
| Date type: | Assigned |
| Resource Link(s): |
Borthwick Institute - Register 2 (f108v) |
Charter:
Walterus [] officiali et archidiacono Cliveland Cum dilecti in Cristo filii prior et conventus Pontisfracti jus patronatus quod habent in ecclesiis de Kypeys Sylkeston et Tatewyke nostre dioecesis necnon et ipsas ecclesias ordinationi nostre submiserint et nos concussionem depressionem ac indigentiam manifestam pietatis instinctu pensantes ad subveniendum sibi quatenus poterimus inclinemur si forte Deus sibi concesserit inspirare ac pro arduis regni negotiis quibus admodum occupamur hujusmodi negotio personaliter intendere non valemus vobis quo ad illud committimus vices nostras mandantes quatinus receptis litteris dictorum prioris et conventus super submissione premissa ac aliis ad perpetuam securitatem et firmitatem negotii necessariis secundum quod Deo placere credideritis et ecclesie nostre congruere honori ac animarum salute prospicere studeatis salubriter de memoratis ecclesiis ordinare Nos igitur que feceritis in premissis rata habebimus et accepta et firmitate faciemus perpetua Deo propitio roborari Valeatis