Charter Document - 07020762
| Charter Number: | 07020762 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Settlement |
| Date: | 1270 |
| Date type: | Internal, A.D., Calendar |
| Resource Link(s): |
Borthwick Institute - Register 2 (f108r) |
Charter:
Memorandum quod cum inter dominum Robertum de Neville actorem ex parte una et dominum Rogerum Extraneum et Matilda uxorem ejus reos ex altera super ducentis marcis quas idem dominus Robertus dicte domine Matilda ante matrimonium inter ipsam et dictum Rogerum contractum se mutuasse dicebat et ex causa mutui petebat ab eisdem coram officiali domini Ebor archiepiscopi questio mota fuisset ac dicti dominus Rogerus et Matilda ratione presumpte et multiplicate eorundem contumacie per dictum officialem sententia majoris excommunicationis fuissent involuti pro eo quod in dicta causa pluries citati presentiam sui facere non curarunt coram eo tandem dictis dominis Roberto et Rogero in presentia dicti domini archiepiscopi die Lune v idus Maii Anno Domini MCC septuagesimo personaliter constitutis dictus dominus Rogerus prose et uxore sua predicta confessus est ipsam dictam pecuniam taliter mutuo recepisse et de dicto domino Roberto teneri in eadem De qua pecunia taliter convenit inter eos quod idem dominus Rogerus pro se et uxore sua dimisit et concessit dicto domino Roberto custodiam terrarum filii et heredis domini Ricardi de la Rivere usque ad legitimam etatem heredis ejusdem ita quod de valore custodie hujusmodi fiat inquisitio et si compertum fuerit quod dicta custodia valorem ducentarum marcarum non attingat dictus dominus Rogerus quod deest eidem domino Roberto supplere teneatur si vero plus valuerit dictus dominus Robertus quod excedit dicto domino Rogero in pecunia numerata similiter facere et reddere teneatur Et super hiis jurisdictioni et cohercione dicti domini archiepiscopi utrique sponte se submiserunt Omnibus taliter expeditis idem dominus archiepiscopus eosdem Rogerum et Matilda a prefatis excommunicationum sententiis absolvit in forma Juris