Charter Document - 07020758
| Charter Number: | 07020758 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Licence |
| Date: | 1266 - 1272 |
| Date type: | Assigned |
| Resource Link(s): |
Borthwick Institute - Register 2 (f107v) |
Charter:
Henricus Dei gratia [] omnibus ballivis et fidelibus suis ad quos presentes littera per venerint salutem Sciatis quod Matheus Vermund et Herbertus Vermund mercatores de Cambrai invenerunt nobis plegios scilicet Willelmum Oliver Willelmum de Cambrai Egidium Oliver Arnulphum de Cambrai et Egidium de Are quod octo viginti saccos lane quos predicti Matheus et Herbertus de licentia nostra ducunt ad partes transmarinas non ducent ad partes Flandrie seu alibi infra potestatem comitisse Flandrie nec cum mercatoribus Flandrie de eadem lana per artem vel ingenium seu alio quocumque modo communicabunt nec etiam aliquibus mercatoribus hujusmodi lanam mercatoribus Flandrie seu aliis de Flandria vel Haynonia vendere volentibus tradent vendent seu alio modo dimittent et etiam sacramentum corporale coram nobis prestiterunt et nos inde securos fecerunt quod si aliquid contra premissa vel aliqua premissorum fecerint et de hoc nobis constiterit tunc predicti Matheus et Herbertus de transgressione et precio lance predicte nobis respondebunt ad voluntatem nostram Nos in forma predicta concessimus predictis Matheus et Herbertus quod de lana illa negociari et commodum suum inde facere possint prout sibi viderint expedire dum tamen non communicent cum illis de partibus Flandrie seu aliis qui lanam illam ad partes Flandrie ducere et mercatoribus Flandrie vendere voluerint sicut predictum est Et ideo vobis mandamus quod eisdem Matheus et Herbertus in ducendo lanam predictam et commodum suum inde faciendo sicut predictum est non inferatis vel inferri permittatis injuriam []