Charter Document - 07020755
| Charter Number: | 07020755 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Urging |
| Date: | 1266 - 1279 |
| Date type: | Assigned |
| Resource Link(s): |
Borthwick Institute - Register 2 (f107r) |
Charter:
Immense nobilitatis et sapientie viro domino magistro Johanni de Pontayse de natione Anglica juris civilis subtilissimo professori Scurca de la Ponta potestas Nicholaus de Bacaler capitaneus populi consilium et commune populi Mutinensis salutem cunctis gaudiis copiosam Cum audiverimus de persona et scientia vestra circumspecta precipue vos esse virum ad imperiale officium assumendum tanquam virum studio indefessum excellenter industrium tam doctrina legum quam experientia rerum virum etiam facundissimum et litterature multis radiis illustratum per cayse generose titulum virtutibus meritorum multiplicis gratie insignitum et prout fama predicat per has partes vos habere docendi peritiam dicendi facundiam interpretandi subtilitatem copiam disserendi cum in scolis vestris Bononie tot doctores totque ditiores virga vestre coherceat potestatis ideo propter vestre sapientie magnitudinem que justa et equali statera librat audita scire vos volumus per hec scripta quod vos ad legendum jus civile in civitate Mutine in scolis publice pro anno venturo ad salarium quatuor viginti librarum imperialium dignum duximus eligendum Sapientiam vestram quantum possumus affectuose rogantes quatinus honore vestri et amore communitatis Mutine hujusmodi onus immo potius honorem vobis placeat acceptare ita quod vestra discretioni redundare debeat ad laudem perpetuam vel oriam et honorem