Charter Document - 07020753

Venerabili viro et domino karissimo Ottobonus Dei gratia Sancti Adriani diacono cardinali Walterus permissione ejusdem [] Receptis pridem vestre dominationis apicibus pro magistro Aunero presbitero clerico et familiari vestro impotentiam nostram per hoc quod non nisi prebenda alia beneficia vix conferimus meminimus allegasse Ex quo si vestre discretioni placeret collegisse possetis quod cum multorum indigeamus industria clericorum vix ipsis qui nobis adherent possumus providere presertim cum quasi medietas prebendarum nostrarum sit sub manibus alienis [ita quod ad nos illarum collatio poterit vix devolvi nisi vestra aliorumque dominorum nobis subveniat benignitas in hac parte] et predictis dominis prebendarum hujusmodi vacatio sit perrara unde est quod qui per multa tempora ante creationem nostram familiares extiterant talis beneficii sunt expertes Placeat igitur serenitati vestre cui semper obtemperare cupimus et pro viribus obedire nobis parcere si in dicto magistro non complevimus votum vestrum quia cum quosdam respexerimus quibus pro meritis diutinis obligamur et verecundamur non adimplesse promissum precum vestrarum recordabimur et eisdem satisfacere procurabimus prout poterimus hilariter et libenter utpote qui paternitatis vestre beneplacitis semper esse volumus sicut debemus obnoxii et devoti Valeatis