Charter Document - 07020752
| Charter Number: | 07020752 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Explanation |
| Date: | 1266 - 1279 |
| Date type: | Assigned |
| Resource Link(s): |
Borthwick Institute - Register 2 (f106v) |
Charter:
Venerabili in Cristo patri et domino Ricardo Dei gratia Sancti Angeli diacono cardinali Walterus permissione ejusdem [] cum recommendatione devota omnimodam reverentiam et honorem Litterarum vestrarum lectio cum narratione portitoris earum reddit nos jocundos pro eo quod vestre dominationis specialitatem de qua speravimus et speramus concedi nobis liberaliter invenistis Unde quantumcumque per a[d]versitates temporum et contrarietates eventuum deprimamur gratanter faciemus pro viribus que nobis vester nuncius viva voce suggessit et procuratori nostro in Curia nunciamus inde plenius velle nostrum sicut procul dubio vobis referet consequenter set quantum possumus serenitatem vestram humiliter et devote deposcimus quatinus super missi modicitate nobis parcatis et gratiose dignemini recipere quod animo valde grato et ad majora benivolo est oblatum Audistis inquam et certos vos esse credimus per relatus quod a creationis nostre tempore turbatione regni et discordia procerum facientibus compulsi sumus pro sedatione continue laborare et quas expensas circuitus talis inter omnes terre magnates requirat vestra discretio satis novit Supervenit insuper terrarum sterilitas de anno in annum quod nostra nobis sufficere non poterant nec a nobis tenentibus qui eodem laborabant defectu et per diversos predones fuere destructi Poteramus suffragia mendicare vel etiam vix petere quod specialiter debebatur et inter hec attamen domos terras et alia in maneriis nostris quasi direptioni tradita reparare Acciderunt etiam decima domino regi concessa et contributionis diverse que multipliciter nos gravabunt Et ecce quando credidimus respirare dominus Edwardus omnia sua quando se paravit ad transitum nobis cum fiducia speciali commisit Qua quidem cura nos reddit adeo curiosos quod perraro propriis intendere possumus et ad tempus facientibusque quibusdam turbidis et malevolis pacem in regno possumus vix tenere Et preter donaria que sibi ac aliis nobilibus consanguineis ac aliis cum eo transeuntibus oportuit exhibere propriis militamus inpendiis et ea per hoc facimus graviora Ic circo de vestra benignitate sperantes nos et omnia qua nos tangunt excellentia vestre et gratie commendamus ut pretextu gravaminum et honorum premissorum nostri memores et nostrorum negotiorum promotores fore velitis quia ad vestra beneplacita pariter et mandata nos semper promptos reperietis pro viribus et devotos Valeatis