Charter Document - 07020751
| Charter Number: | 07020751 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1266 - 1279 |
| Date type: | Assigned |
| Resource Link(s): |
Borthwick Institute - Register 2 (f106v) |
Charter:
Venerabili viro et domino karissimo Ancherus Dei gratia titulis Sancti Praxedis Sancti Romane ecclesie presbitero cardinali Walterus permissione ejusdem [] salutem et cum reverentia et honore ad sua beneplacita se paratum Sepe mutuo scripsimus et rescripsimus super pensione quam a nobis petitis et super prebenda quam cancellarium Ebor vobis dicitis detentore et qualiter pro reformatione pacis ad bonum vestrum laboravimus sicut intelleximus bene nostis Unde si circumspectioni vestra placeret retardatio solutionis pensionis petite non nobis deberet inpingi quia nunquam subterfugimus quoquomodo set semper egimus bona fide dominationi vestra affectu quo possumus sup[p]licantes quatinus ordinationi provise per talium industriam qui Deum timent norunt justitiam et in veritate vos diligunt deposito quolibet conscientie scrupulo pro bono pacis animum liberaliter applicetis et eam insuper confirmari auctoritate Sedis Apostolice procuretis Ipsa enim honesta est placens partibus et secura nichilque sic de vobis debitis deperibit Attendentes si placet quod ambigua sunt fata causarum et si prebendam fuissetis aliquatenus consecuti parum vobis accresceret nisi onus et obligatio curaque consequens animarum Nos autem semper faciemus gratanter pro viribus quod justitia suadebit cum benignitate tamquam speramus apud vos et credimus invenire Quantumcumque per turbationem regni per sterilitatem terrarum per reparationes maneriorum per negotia viri magnifici domini Edwardi domini regis primogeniti necnon et totius regni nobis commissa circa qua propriis impendiis militamus ac per contributionis multiplices sicut satis poteritis intelligere per relatum adeo deprimamur quod non sufficiunt nobis nostra pro honore ecclesie conservando statuque pacifico regni salvando set compellimur impendere etiam ultra vires Dilectum autem filium cancellarium monuimus et induximus sicut mandastis set ipse sue confidenter adheret justitie et paci sicut diximus prolocute Taliter igitur intuitu Jesu Cristi providere curetis quod sedata qualibet materia questionis procurare possumus licentius qua vobis sint placita et ad id fortius astringamur Valeatis