Charter Document - 07020750

Ad perpetuam memoriam rei geste sub presentia sancti patris domini Walteri Dei gratia [] quem nos Godfridus miseratione divina minister ecclesie Wygorniensis cum canonice cautele studio in subsidium duximus invitandum Thomam de Biseleya subdiaconum nostre dioecesis convictum de facto per judicium seculare super latrocinio per deprehensionem publicam manifesto in ornamentis ecclesie de Overebur valentibus septem marcas per eum sicut publica fama refert commisso prefati domini archiepiscopi et nostro fecimus examini presentari et de clericorum nostrorum consilio eidem subdiacono dictu viva vocis edidimus articulum memoratum De quo ex deliberatione prius et nunc habita sponte et pure coram nobis in judicio est confessus et quod ipsius veritatem publica deprehensio et evidentia facti testantur quas nulla potest tergiversatione celare Nos itaque archiepiscopus et episcopus antedicti in Dei nomine Amen prefatum subdiaconum propter hujusmodi latrocinii scelus notorium ab ordinibus quos suscepit decernimus degradandum monentes et per hoc edictum publicum prohibentes ne quis ei hujusmodi occasione delicti aliquam aliam preter penitentiam salutarem quam reservamus sibi per nos injungendam inferre presumat molestiam vel gravamen aut inferenti prebere audeat opem operam vel favorem sub pena anathematis quo contravenientes percellamus in hiis scriptis Post hoc autem decretum eundem subdiaconum exactori favimus ab omni clericatus honore In quorum memoriam sigilla nostra presentibus sunt appensa Actum apud Norton sub Egge x kalendas Junii Anno gratie MCCLXX primo