Charter Document - 07020749
| Charter Number: | 07020749 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Explanation |
| Date: | 1266 - 1279 |
| Date type: | Assigned |
| Resource Link(s): |
Borthwick Institute - Register 2 (f106v) |
Charter:
Regi W[alterus] [] et cum devoto obsequio felices semper ad vota successus Attendentes per apices vestros quos Sabbato ante vigiliam Sancti Edwardi in sero nuper recepimus quod super quibusdam que nuncio vel scripture nolletis committere nobiscum placeret habere colloquium et tractatum et quod essemus ad vos in vigilia supradicta quod utique in tam brevi facere non possemus etiam si natura pennas volatiles nobis pateretur adjungi plurimum turbabimur pro eo quod plene vestris non potuimus obedire mandatis set nec inter tot qua nobis incurrunt incom[m]oda tum in vectura tum in viarum discrimine tum in nostrorum absentia secundum formam mandati precipites fore potuimus nec deceret Quocirca serenitati vestre cum instantia supplicamus quatinus non sit dominationi vestre molestum si nostrum ad vos non acceleremus sicut mandastis adventum quia ad quantum possibilitas nostra permittit curabimus nos parare Conservet []