Charter Document - 07020741
| Charter Number: | 07020741 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Excommunication |
| Date: | 1270 |
| Date type: | Internal, Calendar, Episcopal |
| Resource Link(s): |
Borthwick Institute - Register 2 (f105v) |
Charter:
W[alterus] [] archidiacono Notingham salutem [] Cum omnes violatores seu turbatores libertatum ecclesiasticarum in excommunicationis sententiam per dominum regem archiepiscopos et episcopos necnon et alios prelatos Anglie dudum latam et iterum de communi consilio in parlamenta proximo renovatam inciderint ipso facto et quidam fame sua prodigi et salutis immemores attachiamenta de viridi in boscis nostris infra forestam de Shirewode fecerint in elisionem et turbationem libertatum ecclesie nostri Ebor quibus nos et predecessores nostri hactenus usi sumus necnon aeriam nisurum in bosco nostro de Blitheswrth dum adhuc esset in ovis rapuerint viris ad ejus custodiam deputatis violenciam inferendo in prejudicium libertatum nostrarum nostramque et ecclesie nostras injuriam manifestam vobis mandamus firmiter injungentes quatinus omnes violatores turbatores et malefactores ictos in omnibus ecclesiis tam collegiatis quam parochialibus vobis subjectis accensis candelis et pulsatis campanis publice et solemniter denuncietis et denunciari faciatis singulis diebus Dominicis et festivis donec resipuerint et ad emendationem venerint in dictam excommunicationis sententiam incidisse inquirentes insuper in forma juris de nominibus eorundem Et quid feceritis vel inveneritis in hac parte nobis per litteras vestras patentes dilucide nuncietis Valeatis Datum Lond vij idus Junii pontificatus nostri anno iiij