Charter Document - 07020740
| Charter Number: | 07020740 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Threat |
| Date: | 1270 |
| Date type: | Internal, Calendar, Episcopal |
| Resource Link(s): |
Borthwick Institute - Register 2 (f105v) |
Charter:
W[alterus] [] decano de Retford salutem Religiosi viri abbas et conventus de Valle Dei nobis insinuare curarunt quod dilecti filii prior et conventus de Blida eis auctoritate delegata pro quibusdam decimis ut dicunt diffinita sententia condemnati dicte sententie in elusionem nervi discipline ecclesiastice non modicam parere contempnunt et propter hoc ex parte dictorum religiosorum nobis fuit humiliter supplicatum ut super hoc ipsis competens remedium adhibere curaremus Quocirca discretioni tue mandamus quatinus dictos priorem et conventum moneas et efficaciter inducas quod dicte sententie citra festum Ascensionis Domini pareant cum effectu alioquin citas eosdem peremptorie quod compareant coram officiali nostro in proximo consistorio nostro Ebor celebrando post festum Sancte Trinitatis facturi et recepturi in hac parte quod juris ratio suadebit Qualiter autem mandatum nostrum fueris executus dictum officialem nostrum per litteras tuas patentes harum seriem continentes [in] dictis consistorio et loco certiorare plenius non omittas Datum apud Cestreton xi kalendas Maii pontificatus nostri anno quarto