Charter Document - 07020737
| Charter Number: | 07020737 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1266 - 1279 |
| Date type: | Assigned |
| Resource Link(s): |
Borthwick Institute - Register 2 (f105r) |
Charter:
Reverendo patri [] Percevallus de Lavanna ejusdem loci canonicus salutem Pro eo quod super fructibus sacristia nostra quam in ecclesie Ebor optinemus inter vos et nos contractum habitum ac conventiones initas quando a vobis de Anglie recessimus cum domino legato quasdam difficultates ingerentes retractatis ac minime prout nobis a procuratore nostro datum est intelligi cui fidem adhibemus in hac parte curatis observare immo ad ecclesias dicti sacristia nostre facitis ad cautelam presentari ut ipsam seu fructus ipsius pro precio minori quam nobiscum convenistis habeatis non desinimus quam plurimum admirari maxime cum in moderatione firme ipsius sacrista et termini solutionis ipsius vobis fuerimus annuentes et super hoc vestram fecerimus penitus voluntatem licet ab aliis exinde recipere plus possemus et habere Quare paternitati vestras reverenter supplicamus quatinus dictas conventiones et pacta firmiter et fideliter observetis ita ut vobis et nobis utilitati cedat pariter et honori et ne etiam fructus dicte sacristia pro quibus multo magis haberi consuevit quam modo reddere teneamini mediantibus conventionibus supradictis per vos non minuantur set potius tamquam per bonum et diligentem patremfamilias augea[n]tur Spem enim certam de vobis gerimus tamquam de patre et domino ut vos res nostras et negotia in omnibus quibus poteritis promovere debeatis unde super premissis tantum facere velitis ut res nostre et negotia non pereant set potius valeant augmentari alioquin non admiremini si procurator noster fructus dicte sacristia aliis locaverit et ad firmam dederit quibus nobis melius viderit expedire Mallemus tamen quod apud vos potius quam apud reliquos remanerent cum vos ceteris tamquam caput et dignior preferri debeatis Datum Paris die lune post festum Omnium Sanctorum