Charter Document - 07020729

Preterea omnes illos qui de domibus maneriis grangiis vel locis aliis quibuscumque ad archiepiscopos episcopos vel abbates priores rectores vicarios seu quascumque alias ecclesiasticas personas vel eis pleno jure subjectas aut familias eorundem seu etiam de locis ad ecclesiam vel ecclesiasticam personam pertinentibus [cum bona sint pauperum et Deo dedicata existant] quicquam preter voluntatem aut gratam permissionem dominorum custodumve seu ballivorum suorum [capere rapere] consumere vel auferre presumpserint aut alias ignorantibus vel invitis dominis rerum et ab eis custodibus deputatis attemptaverint contraire insuper omnes illos qui ad ecclesiam vel cimiterium immunitatis causa confugientes inde per se vel alios violenter abstraxerint vel ipsis confugis prohibuerint aut impedierint victum necessarium ministrari insuper omnes illos qui res alienas in locis sacris repositas violenter asportaverant seu procuraverint mandaverint vel fecerint ali qualiter asportari seu ab aliis factam suo nomine asportationem ratam habuerint vel acceptam aut taliter asportantibus res alienas publice vel occulte [scienter] favorem prestiterint consilium auxilium opem operam vel consensum [preterea omnes illos qui votum crucesignatorum vel peregrinationem in subsidium Terre Sanctus scienter et malitiose impedire presumpserint vel turbare] sollempniter denunciamus in majoris excommunicationis sententiam dampnabiliter incidisse [ac esse et fore hujusmodi anathemate tamdiu sic ligatos donec domino ecclesie et lesis satisfecerint et absolutionis beneficium meruerint optinere suorum arbitrio prelatorum In cujus rei testimonium] []