Charter Document - 07020727
| Charter Number: | 07020727 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Commendation |
| Date: | 1266 - 1279 |
| Date type: | Assigned |
| Resource Link(s): |
Borthwick Institute - Register 2 (f103r) |
Charter:
Episcopo Sarum salutem Pro dilecto nobis domino Henrico de Harewelle capellano senio jam confracto fraternitati vestre eo libentius preces dirigimus speciales quo magis pietati nituntur et congruunt honestati meritaque sua quem vitis venustas et scientia liberalis eminentia condecorant dignum reddunt gratia speciali Sane idem Henrico vitam mutare desiderans et amfractus fugere mundiales ut se contemplationi possit artius applicare hospitali Sancti Nicholai Sarum vovere se vellet et ejus regularibus institutis subesse si caritatis vestre gratiam valeat invenire Quocirca benignitatem vestram rogamus cum fiducia et affectu quatinus votum capellani predicti Dei intuitu et precum nostrarum optentu juvare volentes ipsum in domo predicta jubere velitis admitti Credimus enim quod necessarius erit domui et tam in spiritualibus quam temporalibus Dei gratiam fructuosus vobisque re gratia agimur cum affectu si per nos gratius optinuerit quod intendit