Charter Document - 07020721
| Charter Number: | 07020721 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1266 - 1279 |
| Date type: | Assigned |
| Resource Link(s): |
Borthwick Institute - Register 2 (f100v) |
Charter:
W[alterus] [] dilectis in Cristo filiis decano et capitulo Ebor archidiaconis abbatibus prioribus et aliis religiosis rectoribus vicariis et aliis quibuscumque in Ebor provincia beneficiatis salutem [] Litteras patentes domini regis et domina regine recepimus quas per discretos viros magistrum Bonettum de Sancto Quintino et Willelmum de Rytherefeld dicti domini regis clericos vobis transmittimus exhibendas Volentes igitur quod negotium in eisdem contentum ad domina regine commodum quatenus honesto fieri poterit maturetur et ad liberationem subditorum nostrorum cum equitatis tramite procedatur vobis omnibus et singulis firmiter injungendo mandamus quatinus ad dies et loca ad que officialis noster vel ab eo deputatus aut deputati una cum predictis Bonettum et Willelmum vos duxerint evocandos per vos vel per responsales sufficienter instructos sine diffugio quolibet comparere curetis ad procedendum in singulis articulis dictum negotium contingentibus secundum formam quam in pretactis litteris videbitur contineri et ad idem feliciter expediendum secundum quod eorundem discretioni conveniens videbitur et honestum Nos enim cum potestate cohercionis canonice vices nostras eisdem committimus in premissis Valeatis