Charter Document - 07020720
| Charter Number: | 07020720 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Election |
| Date: | 1270 |
| Date type: | Assigned |
| Resource Link(s): |
Borthwick Institute - Register 2 (f100r) |
Charter:
Accedentibus nuper ad presentiam domini W[alterus] Dei gratia [] fratre Thoma de Whalleye electo monasterii de Seleby et fratre Ricardo de Friston procuratore prioris et conventus de Seleby eidem domino archiepiscopo insinuare curarunt quod monasterio de Seleby nuper pastoris solacio destituto per cessionem David quondam abbatis ejusdem prefati prior et conventus eundem fratrem Thomam in abbatem ejusdem monasterii canonice elegerunt quare petebant electionem hujusmodi per eundem dominum archiepiscopum confirmari Set quia idem electus alias prefuit monasterio supradicto et ejusdem cessit regimini ex causis latentibus eundem archiepiscopum in partibus London procul extra suam dioecesim existentem ad instantiam dictorum electi et procuratoris hujusmodi cessionis et cause electionis etiam et electi magistro Roberto de Scardeburg archidiacono Estriding et magistro Philippo de Staunten canonico Wellensi commisit examinationem Qui quidem magistri tam eundem electum quam sex testes per ipsum et procuratorem predictum productos in capella dicti domini archiepiscopi apud Ebor super articulis supradictis in forma iuris examinarent et ipsorum dicta per magistrum Johannem de Craucumbe ad hoc specialiter a dicto domino archiepiscopo destinatum redigi fecerunt fideliter in scripturam renunciateque ex parte dictorum electi et procuratoris expresse ulteriori productioni dicti examinatores attestationes hujusmodi sub sigillis suis inclusas ad eundem dominum archiepiscopum transmiserunt prefatis electo et procuratori prefigentes diem Veneris proxima ante festum Nativitatis Beati Johannis Baptiste coram dicto domino archiepiscopo ubicumque fuerit in partibus London ad faciendum et recipiendum in negotio electionis hujusmodi quod postulaverit ordo juris