Charter Document - 07020711
| Charter Number: | 07020711 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Order |
| Date: | 1266 - 1279 |
| Date type: | Assigned |
| Resource Link(s): |
Borthwick Institute - Register 2 (f98r) |
Charter:
Inpunita temeritas temeritates cumulat puniendas et in publici juris injuriam insurgere non desistet nisi eam exsurgens justitia puniat et subvertat Cum igitur felicis recordationis Otto Sancti Nicholai in Carcere Tulliano diaconus cardinalis tempore quo quondam in regno Anglie legationis fungebatur officio in suo concilio duxerit statuendum ut omnes qui eo tempore instituti essent vicarii qui non erant ad presbiteratus ordinem tunc promoti infra annum ad minus se facerent in presbiteros ordinari alioquin si per eos staret quominus infra dictum tempus essent ordinati ex tunc per statutum suum eos vicariis ipsis decernit ipso jure fore privatos Et Simon de Cave qui tempore statuti hujusmodi in vicaria ecclesie de Kernetteby erat institutus nec presbiteratus ordinem assecutus infra tempus hujusmodi immo nec a dicto tempore citra se fecerit cum posset in presbiterum ordinari licet ad id sicut ceteri vicarii pluries ammonitus esset et citatus statutum hujusmodi temere contempnendo ut flagellato pestilente stultus sapientior efficiatur In nomine Domini nostri Jesu Cristi nos W[alterus] permissione divina [] prefatam vicariam vacantem esse et dictum Symonem vicaria ipsa per constitutionem predictam que vim canonis optinere dinoscitur privatum esse pronunciamus et sententialiter pronunciando declaramus