Charter Document - 07020710
| Charter Number: | 07020710 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Mandate |
| Date: | 1268 |
| Date type: | Internal, Calendar, Papal |
| Resource Link(s): |
Borthwick Institute - Register 2 (f97v) |
Charter:
Ottobonus [] archiepiscopo Ebor et discretis viris Cantuar et Clyvelandie in ecclesia Ebor archidiaconis dispensatoribus decime illustri regi Anglie a Sede Apostolica deputate salutem in salutis Auctore Cum serenissimus princeps dominus Henricus illustris rex Anglie in annuo censu mille marcarum sterlingorum domino pape et Romane ecclesie teneatur in cujus solutione per plures annos noscitur cessavisse idemque dominus papa ad exonerationem ejusdem domini regis nobis mandaverit ut de decima proventuum ecclesiasticorum regni Anglie dicto regi ab Apostolica Sede concessa faceremus sibi censum ipsum persolvi volumus et discretioni vestre qua fungimur auctoritate districte precipiendo mandamus quatinus ad alicujus mandatum aliquid de cetero non solvatis nec a collectoribus ipsius decime aliquibus solvi permittatis quin potius expresse inhibeatis eisdem ne quicquam de ipsa decima solvant alicui donec de predicto censu dilecto nostro magistro Synicio camere ipsius domini clerico nomine domini pape et Romane ecclesie predictorum fuerit plenaria satisfactum non obstantibus aliquibus litteris super hoc concessis Datum London viij idus Februarii pontificatus domini Clementis pape iij anno iv