Charter Document - 07020663
| Charter Number: | 07020663 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1267 |
| Date type: | Internal, A.D., Calendar |
| Resource Link(s): |
Borthwick Institute - Register 2 (f85v) |
Charter:
W[alterus] [] dilecto in Cristo filio magistro R[icardus] de Clifford escaetori domini regis citra Trente salutem [] Cum prefatus dominus rex dilecto nobis magistro W de Clifford nuper custodi archiepiscopatus Ebor per litteras suas de compoto dederit in mandatis quod de exitibus ejusdem archiepiscopatus nobis habere faceret ducentas et quingenta marcas que nobis a retro sunt de annuo feodo nostro quingentarum marcarum quod percipimus ad saccariam prefati domini regis ad sustentationem nostram et clericorum de cancellaria sua ac nos pecuniam predictam nondum habuerimus prout vos ipsi plenius nostis et jam mittimus dilectum nobis Nicolaus de Wodeford pro negotiis nostris in partibus Ebor expediendis et pro pecunia predicta a vobis qui vices prefati fratris vestri in partibus predictis geritis nomine nostro recipienda dilectionem vestram de qua confidimus ad plenum rogamus et requirimus attente quatinus attendentes quod denariis ad presens quam plurimum indigemus solutione[m] ccl marcarum sine difficultate qualibet eidem Nicolaus nomine nostro si placet fieri faciatis ad faciendum de eis quod sibi ore tenus duximus injungendum Et ut hoc securius facere valeatis has litteras nostras vobis mittimus patentes Datum apud Sanctum Edmundum xij kalendas Martii anno domini MCCXL sexto