Charter Document - 07020662
| Charter Number: | 07020662 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Commendation |
| Date: | 1266 - 1279 |
| Date type: | Assigned |
| Resource Link(s): |
Borthwick Institute - Register 2 (f85v) |
Charter:
W[alterus] [] venerabili fratri amico et consanguineo in Cristo karissimo domino W[illelmus] Dei gratia Bathoniensi et Wellensi electo salutem et paratam ad onera et commoda voluntatem Divina providentia que in sua dispositione non fallitur et suorum immemor non existit personam vestram discrete considerationis oculo jam respexit ut quemadmodum nos expertis et jam completis ruderibus multimodis quos pro reformatione pacifica Bathoniensis et Wellensis ecclesie variis concussa litibus et deformate querelis [que] diuturno subjacebat discrimini sustinuimus item illud quod ante promotionem vestram angustum invenimus adeo in planitiem et rectitudinis tramitem convertimus quod honoris nostri cathedram quieto poteritis animo conscendere et pacifice possidere Super quo summo cordis jubilo gratulamur et Altissimo gratias referimus quas valemus presertim cum ex hoc nostre adquisitionis titulus dilatetur et ex tanto et casu grato nobis et idoneo successore prehabitam sicut ex vestrarum serie litterarum collegimus possessionem nobis continuare proponitis et nostrorum promotionem ulterius adaugere quod intendimus quantum in nobis est promptitudine benivola promereri Parati etiam prout ex debito sumus astricti in hiis et in aliis que felicem negotiorum vestrorum expeditionem requirunt opem et operam favorabiliter adhibere