Charter Document - 07020654
| Charter Number: | 07020654 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1266 - 1279 |
| Date type: | Assigned |
| Resource Link(s): |
Borthwick Institute - Register 2 (f84v) |
Charter:
W[alterus] miseratione [] discretis viris et amicis suis in Cristo karissimis dominis R[obertus] de Esthalle H[ugo] et Th[omas] de Cantilupo Wygorniensi Glowecestrensi et Staffordiensi archidiaconis salutem [] Quod elogium sancte recordationis W[alterus] quondam Wygorniensis episcopi secundum testationem ejusdem felicibus successibus prosperetur optamus avide et posse nostrum totis intendimus nisibus adhibere ut cum administratores ipsius ad nos accesserint affectu prono ac consilio provido in agendis suis strenue quantum poterimus assistamus Ad hec enim nos teneri credimus pro ea quam nobis dum viveret familiaritate impenderat ut sibi jam cum Cristo superstiti suisque omnibus oportunis favoribus ac presidiis efficacibus foveamus Sane quemadmodum vestrarum dilectionum sinceritas plene novit intellectus noster istis presertim temporibus tot cupis rapitur tot anxie tediis implicatur quod res familiares negligimus non absque gravi jacture dispendio ex insufficientia imperfecti propter que formidamus nec mirum incognitum aggredi ne forte nichil omnino peragatur ut convenit si ad plurima festinemus Nec in hoc negotio procuratorem ordinare volumus ut tanquam executor ali qualiter habeamur cum nostre intentionis non existat nec unquam fuerit ut hujusmodi administrationum negotiis involvamur Hec autem vobis lucidius intimamus cum tolerantius sit spem rescindi quam protrahi ne propter nos ea agere qua conveniunt deinceps aliquatenus differatis Multa equidem se exhibent paucioribus qui facile conveniunt quam pluribus convenientius agitari Vos quoque tanti et tales estis quod sufficiatis plenissime Deo propitio ad consummationem eorum omnium qua incumbent Nos autem ut prediximus vobis assistemus jugiter ope consilio et favore Et quia presentia domini Nicholai de Wodeford ad tractandum una vobiscum de negotiis executionis ipsius ut scripsistis plurimum indigetis ipsum quam citius de partibus Eboraci ad nos accesserit vobis curabimus destinare Valeatis