Charter Document - 07020651
| Charter Number: | 07020651 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Order |
| Date: | 1267 |
| Date type: | Internal, A.D., Episcopal, Feast |
| Resource Link(s): |
Borthwick Institute - Register 2 (f84r) |
Charter:
W[alterus] miseratione [] dilecto in Cristo magistro hospitalis Sancti Leonardi Ebor salutem [] Mulier latrix presentium sua nobis insinuatione lacrimabiliter intimavit quod cum ad habendum perpetuum vite subsidium in hospitali predicto se et sua contulerit et secundum morem solitum in sororum ejusdem consortium sit admissa quidam voluntati potius quam rationi animi sui propositum inclinantes ipsam ut sororem tractare denegant et subtrahunt alimenta Quapropter discretioni vestre mandamus firmiter injungentes quatinus de premissis inquisita diligentius veritate ipsam si id eidem inponitur inveneritis commisisse juxta qualitatem delicti inposita sibi penitentia salutari saltim hac vice aperientes viscera pietatis ne confusa gravius incedat in peccatum admitti ipsam ad consortium pristinum et vite subsidium faciatis eidem exhiberi Attendentes quam favorabilis alimentorum conditio ab antiquis patribus censeatur necare enim dicitur qui subtrahere nititur alimenta Datum apud Waltham in crastino Purificationis Beate Marie anno domini MCCLX sexto et consecrationis nostre anno primo