Charter Document - 07020650
| Charter Number: | 07020650 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1266 - 1279 |
| Date type: | Assigned |
| Resource Link(s): |
Borthwick Institute - Register 2 (f84r) |
Charter:
W[alterus] miseratione [] dilecto in Cristo filio R[uffinus] archidiacono Cliveland [] Que communiter nos contingunt hiis deliberatione communi censuimus utiliter provideri unde mandatum quod nuper recepimus a venerabili domino O[ttobonus] divina clementia Sancti Adriani diacono cardinali Apostolice Sedis legato vobis inspiciendum per portitorem presentium destinamus Quo perlecto et intellecto plenius vestre nobis discretionis consilium providum qualiter in ipso domini regis immo magis ecclesie negotio procedi debeat rescribatis ut si opus hujusmodi inevitabiliter ag[g]redi debeamus in exordio via talis eligatur que utilem et circumspectam se exhibeat in progressu et quam penitudinis rubore perfusos propter aliam quz forsan expeditior apparebit nos deserere non contingat Melius nempe est [quod frequenter comperimus] in tempore occurrere quam processu negotii emendicare remedium improvisum Valeatis feliciter