Charter Document - 07020649
| Charter Number: | 07020649 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1251 |
| Date type: | Assigned |
| Resource Link(s): |
|
Charter:
Innocentius episcopus [] dilecto filio Epizoni de Castallo rectori ecclesie Sancti Felicis Ebor dioecesis salutem et Apostolicam benedictionem Apostolice Sedis benignitas consueta sic merita personarum provida deliberatione decernit ut eos qui litterarum scientia et morum ac generis nobilitate precellunt favoris gratia efferat ampliores et majoribus studeat beneficiis honorare Hinc est quod nos bonitatem et nobilitatem tuam non indigne pensantes ac volentes ex hoc tibi gratiam facere specialem tuis supplicationibus inclinati devotioni tue ut personatus dignitates vel ecclesiastica beneficia etiam si eis cura sit animarum annexa que nunc optines licite optinere et alia similia que tibi in posterum offerantur canonice recipere ac una cum optentis retinere libere valeas et in hujusmodi dignitatibus vel personatibus vel beneficiis per vicarios ydoneos deservire nec ad faciendam in eisdem residentiam personalem aut suscipiendos ordines compelli a quoquam possis invitus absque mandato Sedis Apostolice speciali quod de indulto hujusmodi specialem faciat mentionem constitutione Generalis Concilii seu quibuslibet consuetudinibus contrariis nequaquam obstantibus auctoritate presentium indulgemus Nulli igitur []