Charter Document - 07020639
| Charter Number: | 07020639 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Order |
| Date: | 1267 |
| Date type: | Internal, A.D., Calendar |
| Resource Link(s): |
Borthwick Institute - Register 2 (f81v) |
Charter:
W[alterus] permissione [] dilecto in Cristo filio R[uffinus] archidiacono Cliveland salutem [] Judicium nonnunquam discrepat ab effectu et quod conjectura prodesse plerumque creditur experimento inutile reperitur Sane venerabilis pater O[ttobonus] Sancti Adriani diaconus cardinalis Apostolice Sedis legatus intelligens quod ex taxationibus imprudenter et inconsulte nuper factis super estimatione veri valoris beneficiorum per ministeriales quosdam ad hoc explendum deputatos clerus universaliter commovetur et scandalum in populo non mediocriter suscitatur intendit cum domino rege quantum poterit hoc efficere quod communi et antiqua taxatione in subventione decime concesse sibi sit contentus ideoque vobis mandamus auctoritate dicti domini legati et nostra in virtute obedientie firmiter injungentes quatinus ab omnibus religiosis ecclesiarum rectoribus et aliis personis ecclesiasticis illis dumtaxat exceptis qui in litteris Apostolicis ab hujusmodi prestatione specialiter sunt exempti decimas possessionum et aliorum proventuum ecclesiasticorum secundum antiquam taxationem certis ad hoc loco et die deputatis ab officialibus vestris exigi efficaciter faciatis denunciantes eisdem quod qui non solverint sibi a nobis tempore designato quod preter excommunicationis sententiam quam in eos dictus dominus legatus promulgavit pro vera estimatione satisfacient secundum priorum dicti domini continentiam litterarum Vos etiam dictum negotium taliter prosequi studeatis quod ex negligentia vel contemptu argui non possitis Proviso quod ante festum Resurrectionis Dominice dicta decima domino Nicholao de Wodeford capellano nostro integraliter persolvatur contradictores et rebelles preter penas superius an[n]otatas per suspensiones ecclesiarum et interdicti sententias compescendo Datum London viij idus Martii anno gratie MCCLX sexto