Charter Document - 07020638

Ottobonus [] venerabili in Cristo patri electo Ebor salutem in salutis Auctore Petitio magistri T de Berneby domini Pape subdiaconi et Johannis fratris ejus laici nobis exhibita continebat quod cum nos religioso viro priori Sancte Trinitatis London olim nostris dederimus litteris in mandatis ut executores testamenti bone memorie Godfridus Ebor archiepiscopi efficaciter movere ac inducere procuraret ut sublata cujuslibet fraudis astucia creditoribus legatoris et familiaribus ipsius archiepiscopi de quibusdam pecuniarum summis quas idem archiepiscopus de se ratione persone sue spectantes creditoribus legatoris et familiaribus predictis per manus executorum ipsorum exhiberi mandaverat infra competentem terminum ab eodem priore prefigendum eisdem satisfacerent ut debebant alioquin testamentum prefatum seu transcriptum ipsius ac inventarium factum super bonis testamenti predicti sub tribus sigillis autenticis sibi faceret exhiberi ad nostram illud quamtocius presentiam transmissurus ac idem prior Willelmum decanum magistrum Robertum archidiaconum Estriding in ecclesia Ebor et Johannem de Steinton laicum Ebor dioecesis executores testamenti predicti archiepiscopi ut dicitur moneri fecerit diligenter ut memoratis subdiacono et Johanni fratri ejus de quadam pecunie summa eis ab eodem archiepiscopo dum viveret debita et de qua eis per manus eorundem executorum satis feri preceperat satisfacerent competenter aut certo die comparerent coram eo testamentum ipsum seu transcriptum testamenti predicti aut confectum super bonis dicti archiepiscopi inventarium ostensuri tandem decanus archidiaconus et laicus supradicti certis confictis gravaminibus ab eodem priore diversis temporibus ad audientiam nostram appellarunt quorum appellationibus dictus prior detulit reverenter et ad prosequendum appellationes hujusmodi certum partibus terminum assignavit Set appellantes licet aliquis eorum per procuratorem specialem ad impetrandum et contradicendum mandatum habentem comparere curaverit non sunt tamen appellationes suas infra tempus legitimum cum potuerint prosecuti Quare subdiaconus et frater ejus predicti humiliter postularunt a nobis ut principalem causam cum omnibus ejus accessoriis et appendiciis subdiaconum et fratrem ejus prelatos ratione dicti testamenti contingentem contra dictos executores et alios bonorum dicti testatoris amministratores quoscumque non obstantibus appellationibus et delationibus supradictis alicui discreto partibus non suspecto et qui sine magnis sumptibus et labore adire possit committere [dignaremur] et ne si forte contra fieret continentiam cause esse contingeret in grave partium earundem dispendium [bona predicta] dividi de benignitate solita curaremus Nolentes igitur ut ipsius testamenti executio propter hoc diutius protrahatur paternitati vestre qua fungimur auctoritate mandamus quatinus appellationibus et delationibus predictis nequaquam obstantibus audiatis causam et fine debito usuris cessantibus decidatis facientes quod decreveritis per censuram ecclesiasticam firmiter observari Testes autem qui fuerint nominati si se gratia odio vel timore subtraxerint Censura simili cogatis veritati testimonium perhibere Datum apud Sanctum Edmundum viij kalendas Martii pontificatus domini Clementis pape iiij anno tertio