Charter Document - 07020637
| Charter Number: | 07020637 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Explanation |
| Date: | 1266 - 1279 |
| Date type: | Assigned |
| Resource Link(s): |
Borthwick Institute - Register 2 (f81r) |
Charter:
W[alterus] permissione [] viro venerabili et discreto magistro Sincio camere domini Pape clerico et nuncio salutem [] Vestre discretionis sinceritas prout credimus non ignorat quod domini regis et regni negotiis occupati rebus familiaribus neglectis pene penitus cure nostre vel aliis que nobis incumbunt quibuslibet ut convenit intendere non valemus adeo quod ecclesiam sponsam nostram cui nos domini pape clementia munifice copularit hactenus minime visitavimus nec illarum partium [quod egre ferimus] habemus notitiam personarum Ideoque cum vestro superesse negotio non possimus nec sciamus ad presens cui commodius committi valeat qui illud efficaciter prosequatur pro domini nostri Pape utilitate negotii et obtentu persona vestre quam recommendatum habere volumus cum affectu deliberabimus usque quo vobiscum colloquium habuerimus quod in proximo erit favente Deo per quem negotium ipsum efficacius poterit confirmari Scituri quod domini Papa et suorum negotia nobis sunt cordi adeo quod ipsa proponimus totis prosequi viribus et mente valida promovere Valeatis