Charter Document - 07020636
| Charter Number: | 07020636 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Renunciation |
| Date: | 1266 - 1279 |
| Date type: | Assigned |
| Resource Link(s): |
Borthwick Institute - Register 2 (f80v) |
Charter:
Venerabili in Cristo patri O[ttobonus] miseratione divina Sancti Adriani diacono cardinali Apostolice Sedis legato W[alterus] ejusdem permissione Ebor electus humilis salutem cum honore et reverentia debitis tanto patri Vestra paternitatis litteras suscepimus continentes quod magistrum Jordanum cantorem Carnotensem germanum venerabilis patris domini Johannes Sancti Nicholai in Carcere Tulliano diaconi cardinalis vel procuratorem ipsius nomine ejus recipiamus et recipi faciamus in Ebor canonicum et in fratrem sibi stallum in choro et locum in capitulo assignando ac ipsum prebende de Warsil possessione gaudere quantum in nobis est permittamus Vestre siquidem paternitatis imperio tam ex debito quam ex voti desiderio obtemperare sub omni parientia cupientes vestrum quare mandatum hujusmodi ad presens adimplere non possumus intimamus quoniam in mandato Apostolico hujusmodi autentico contineri perspeximus quod venerabili patre domini Ancero sacrosancte Sedis Apostolice cardinali prebendam de qua agitur in ipsius favorem resignante aliam ut puta digniorem quam nondum adeptus est sibi promeruit assignari nec aliter ex domini Pape vel ipsius conscientia hujusmodi resignatio processisset nisi acto quod pro cauto habendum est ut collatam sibi prebendam de Newebald quam possidet Ebor ecclesie cancellarius optineret Cum itaque inter domini cardinalem et cancellarium supradictos lis pendeat coram vobis et eadem ratio vos movere debeat qua quandoque moveret conferentem lite pendente taliter cujus dubius est eventus absque domini cardinalis prejudicio et nostri ne forte contra nos regressum habeat si subcumbat exequi non possumus quod mandatur Ad hec vestra novit paternitas veneranda quod canonicorum admissio vel assignatio stalli seu loci in Ebor ecclesia ad archiepiscopum non pertinet set ad decanum dumtaxat et capitulum secundum constitutionem felicis memorie Pape tertii Alexandri Ista etiam tamquam executori nobis tantummodo demandantur alteri commodius injungi possent quam nobis qui nondum ecclesiam nostram vidimus nec habemus notitiam personarum De hiis et aliis vobiscum in brevi conferre proponimus vestris semper beneplacitis parituri Valeat paternitas vestra feliciter per tempora longiora