Charter Document - 07020627
| Charter Number: | 07020627 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Appropriation |
| Date: | 1266 - 1279 |
| Date type: | Assigned |
| Resource Link(s): |
Borthwick Institute - Register 2 (f79ar) |
Charter:
[W]alterus Dei gratia Ebor archiepiscopus Apostolice Sedis legatus [] Ad officium nostrum pertinere dinoscitur universorum utilitates pia sollicitudine procurare maxime autem eorum qui a seculo conversi divinis assidue mancipantur obsequiis Ea propter dilectorum filiorum nostrorum prioris et conventus de Thurgerton precibus inclinati inspectis cartis advocatorum suorum concedimus et presenti carta confirmamus jam dictis priori et canonicis in perpetuam elemosinam ecclesiam de Sutton ecclesiam de Graneby ecclesiam de Cotes ecclesiam de Titheby ecclesiam de Unthorp ecclesiam de Uveringeham ecclesiam de Houkesword ecclesiam de Keword cum omnibus earum pertinentiis et cum omnibus aliis beneficiis que in presentiarum juste possident vel in futurum modis rationalibus adipisci poterunt et jam dictam ecclesiam de Thurgerton in qua Deo servire noscuntur liberam et quietam ab omnibus episcopalibus et synodalibus consuetudinibus esse concedimus inperpetuum