Charter Document - 07020624
| Charter Number: | 07020624 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1270 |
| Date type: | Internal, Calendar, Regnal |
| Resource Link(s): |
Borthwick Institute - Register 2 (f76r) |
Charter:
H[enricus] Dei gratia Omnibus ad quos presentes littere pervenerint salutem Sciatis quod cum dudum commisissemus venerabili patri Waltero Giffard Ebor archiepiscopo Anglie primati tunc Bathoniensi et Wellensi episcopo castrum nostrum Oxon cum prato et molendinis et maneria nostra de Brehull et Pydington cum omnibus pertinentiis suis custodienda ita quod de exitibus seu firma eorundem nobis responderet ad scaccarium nostrum et postmodum pro turbatione tunc suborta in regno nostro injunxissemus eidem Walterus quod castrum predictum servientibus ad arma et victualibus muniri faceret prout securitati ejusdem et partium adjacentium magis expediret circa que idem Walterus magnos sumptus et expensas apposuit nos perpendentes quod si compotus aliquis inde audiretur in plus teneremur prefato Walterus pro sumptibus et expensis predictis quam exitus et firma castri prati molendinorum et maneriorum predictorum valeant de tempore predicto et volentes securitati predicti Walterus et heredum suorum in hac parte prospicere remittimus et par donamus pro nobis et heredibus nostris eidem Walterus omnimodos compotus exitus firmas ratiocinia et arreragia que ab ipso exigere possemus ratione custodie castri prati molendinorum et maneriorum predictorum de toto tempore quo habuit custodiam eorundem Volentes et concedentes pro nobis et heredibus nostris quod predictus Walterus et heredes sui inde quieti existant inperpetuum In cujus rei testimonium has litteras nostras fieri fecimus patentes Teste me ipso apud Wynton xxv die Decembre anno regis regie l quarto