Charter Document - 07020611
| Charter Number: | 07020611 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Order |
| Date: | 1270 |
| Date type: | Internal, A.D., Calendar |
| Resource Link(s): |
Borthwick Institute - Register 2 (f74v) |
Charter:
Viris venerabili et discretis dominis et amicis karissimis magistro Ricardo de Stanes et aliis justiciariis ad placita coram domino rege specialiter deputatis officialis Curie Cantuariensis salutem cum sincere dilectionis affectu Ad aures nostras noveritis pervenisse quod cum dominus rex in Curia sua coram vobis nuper recuperasset seysinam suam de advocatione ecclesie de Gravesende per assisam ultime presentationis quam ipse arra navit coram vobis ratione custodie terrarum et heredis Henrici de Cramavile in manu sua existentium ac per vos occasione illius processus mandatum fuit vicecomiti Cantuariensi quod distringat venerabili patrem domini L[aurentius] episcopum Roffensem per omnes terras et catalla ejus in balliva sua inventa quod haberet corpus ejus in quin dena Sancte Trinitatis ubicumque fuerit dominus rex in Anglie ad respondendum eidem domini regi de placito quare ad presentationem suam idoneam personam non admisit ad predictam ecclesiam sane cum evidenter vergat in prejudicium ecclesiastice libertatis et contra canonicas sanctiones et concilium provinciale existat quod aliqua persona ecclesiastica et presertim episcopus ad examinationem judicis secularis in actionibus personalibus et precipue in illis causis que ad forum ecclesiasticum mere pertinere noscuntur indebite pertrahatur nos quoque auctoritate sedis Cantuariensis qua fungimur ecclesie libertatem in Cantuariensi provincia prout ad nostrum spectat officium defendere teneamur et Cantuariensis ecclesie prejudicium non possumus nec debeamus oculis conniventibus pertransire auctoritate premissa discretionem vestram monemus rogamus et hortamur in Domino quatinus diligenter ut convenit attendentes quam periculosum est canonicis institutis temere obviando ecclesie libertatem infringere violare et diminuere vel turbare scienter et propter hec sententiis excommunicationum involvi Vobis tenore presentium inhibemus sub pena districtionis canonice in vos publice si opus fuerit promulganda ne occasione predicta predictum episcopum molestetis nec destringaris set nec ipsum distringi vel molestari per judicem vestrum in foro regali vel seculari decernatis aut quantum in vobis est permittatis set potius desistatis ab omni judicio vel consideratione per quod vel quam prejudiciis episcopus posset in isto negotio molestari aut in persona vel terris seu aliis suis rebus regali auctoritate distringi alioquin sciatis quod contra vos justitia mediante canonicam exercebimus ultionem maxime cum predicto domino regi nostro de dicto domino episcopo conquerenti auctoritate metropoli[ti]ca simus exhibere parati justitie complementum Datum apud Faveresham ix kalendas Julii anno domini MCCLXX