Charter Document - 07020610
| Charter Number: | 07020610 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Order |
| Date: | 1270 |
| Date type: | Internal, Calendar, Episcopal |
| Resource Link(s): |
Borthwick Institute - Register 2 (f74v) |
Charter:
W[alterus] [] executor decime domino regi ab Apostolica Sede concesse dilectis sibi in Cristo officialibus sive procuratoribus venerabili fratris domini Dunolm episcopi salutem Cum dominus vester predictus sicut per magistrum Henrici Sampson dicte decime collectorem nuper accepimus de decima beneficiorum et bonorum suorum temporalium que in nostro dioecesi optinet pro tempore retroacto nichil solverit nec hactenus aliter satisfecerit quod miramur licet per dictum magistrum super hoc pluries fuerit requisitus auctoritate qua fungimur in hac parte vobis mandamus firmiter injungentes quatinus infra quindecim dies post receptionem presentium dicto magistro solvere procuretis decimam memoratam Alioquin dissimulare non possumus quin tam per nos ipsos quam per magistrum predictum contra vos secundum tenorem mandati Apostolici procedamus acrius vel inviti Quid autem inde faciendum duxeritis prefato magistro sine mora rescribere studeatis Valeatis Datum London v idus Junii pontificatus nostri anno quarto