Charter Document - 07020608
| Charter Number: | 07020608 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Submission |
| Date: | 1269 |
| Date type: | Internal, A.D., Calendar |
| Resource Link(s): |
Borthwick Institute - Register 2 (f74r) |
Charter:
Universis [] Johannes de Steingrive salutem in domino sempiternam Noverit universitas vestra quod cum venerabili patri domino W[alterus] [] michi imponeret quod ego ecclesiam de Steingrive fuissem violenter ingressus et ipsam aliquamdiu detinuisses fructus ipsius ecclesie sub sequestro suo existentes detrahendo cujus pretextu sententiam excommunicationis in me promulgavit ego demum eidem domini archiepiscopo satisfacere cupiens de premissis humiliter petii absolvi ab eodem in forma juris et me constitui soluturum eidem pro satisfactione premissorum ad festum Sancti Martini yemale proxima venturum centum solidorum sterlingorum et in festo Pentecostes proxima tunc sequente centum solidarum in thesaurarium cathedralis ecclesie Ebor ut eisdem terminis et loco singulis quinque annis ex tunc sequentibus tantum dem in septimo vero anno in festo Sancti Martini c solidorum et in festo Pentecostes tunc sequente octo libras sex solidorum et octo denarium sub pena trium marcarum elemosinario dicti domino archiepiscopi solvendarum pro quolibet termino minus plene observato principali obligatione nihilominus in suo robore duratura salvo michi jure patronatus in dicta ecclesia et prosecutione juris quod me ad eandem habere contendo in forma juris Juravi etiam tactis sacrosanctis quod officium dicti domini archiepiscopi in ecclesia predicta aut alias sibi competens nullatenus impediam nec impedire procurabo et quod omnia qua premissa sunt fideliter in omnibus observabo subscriptos exhibens nihilominus fide jussores videlicet dominos Ricardum Foliot Saerum de Huntingfeud et Gerardo de Hedon Nos vero predicti Ricardum Saerum et Gerardo quo ad hec que premissa sunt pro predicto Johannes fide jubemus nosque singulos et heredes nostros in solidum principales constituimus debitores subiciendo nos heredesque nostros et omnia bona nostra mobilia et immobilia et se moventia jurisdictioni et cohercioni dicti domini archiepiscopi et ipsius officialis quod ipsi aut eorum alter possint seu possit nos [seu] quemlibet nostrum compellere ad omnium premissorum observationem per suspensionis excommunicationis et interdicti sententias per quamcumque cohercionem ecclesiasticam quam ipsi in hac parte duxerint eligendam sine strepitu si opus fuerit judiciali Renunciamus insuper tam ego Johannes quam fide jussores predicti pro nobis et heredibus nostris regie prohibitioni privilegio crucesignatis indulto vel indulgendo fori exceptioni et cuilibet alii cavillationi exceptioni appellationi et omni juris remedio tam canonici quam civilis nobis in contrarium competenti seu com petituro In quorum testimonium nos predicti Johannes Saerum Ricardum et Gerardo presenti scripto sigilla nostra apposuimus Datum at actum in capella dicti domini archiepiscopo apud Lanum xviij kalendas Julii anno domini MCCLX nono