Charter Document - 07020605
| Charter Number: | 07020605 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Explanation |
| Date: | 1266 - 1279 |
| Date type: | Assigned |
| Resource Link(s): |
Borthwick Institute - Register 2 (f73v) |
Charter:
Venerabili patribus et dominis sacro cetui Sancte Romana ecclesie Dei gratia cardinalium W[alterus] permissione [] cum recommendatione devota subjectionem omnimodam reverentiam et honorem Nescius quis eventus contrarius vel persone mee demeritum speciale a multis retro temporibus propinarunt michi doloris absinthium ut quod in votis diu gesseram et summe con cupiveram occasione quadam jam nacta complere non potui vel etiam attemptare ratione multiplici quod doleo denegante vestre nempe circumspectionis provisio me creavit et nulla notione prohibita meritisve preambulis ad excelsa provexit Egeoque vestre protectionis et gratie subsidio tota die vos enim cives Apostolici Dei vere domestici ordinatores ecclesie gubernatores seculi rectifica tores potentium sustentatio debilium summaque consolatio miserorum imbecillitates omnium supportatis ad vos nimirum omnis professionis genus accurrit gratiamque juxta devotionis sue meritum recipit et salutem Inde est patres piissimi quod ad vos an elavi jam diu non minus conquerens et suspirans Symeone ac orationibus interponens quod sanctitatis vestre presentiam intueri et affatu jocundo letari valeam ante mortem Ad quod quidem spiritus promptus erat in emissione presentium et caro licet infirma consensit set adversitas temporum non permisit quam in omnibus suis causis et occasionibus enarrare non sufficeret pagina satis ampla tederetque lectio longa scripture aures adeo occupatas ideoque ad enarrandum magnificentie vestre mea et ecclesie mee gravamina et defectus necnon et oppressiones quas quasi continue patior in secularium motione voluntaria potestatum dilectum michi Ricardum de Nedham procuratorem meum ad vestre sanctitatis presentiam destino confidenter benignitati vestre dulcissime supplicans