Charter Document - 07020584
| Charter Number: | 07020584 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Exhortation |
| Date: | 1266 |
| Date type: | Internal, Calendar, Papal |
| Resource Link(s): |
Borthwick Institute - Register 2 (f66v) |
Charter:
Ottobonus [] venerabili in Cristo patribus archiepiscopis et episcopis ac dilectis sibi in Cristo abbatibus prioribus decanis archidiaconis et aliis ecclesiarum prelatis vel eorum vices gerentibus per regnum Anglie constitutis salutem in salutis auctore Cum nos caros nobis in Cristo magistrum et fratres Hospitalis Sancti Spiritus in Saxia de Urbe ad Romanam Ecclesiam nullo medio pertinentis propter clara pietatis opera que per ipsos in Hospitali jugiter exercentur eodem sincera diligamus in Domino caritate universitatem vestram requirimus et rogamus in Cristo quatinus fratres et nuncios Hospitalis ejusdem cum eos ad vos et loca vestra pro elemosinis adquirendis venire contigerit recipientes benigne ac honeste tractantes in ecclesiis vestris ammonere populum et elemosinas querere libere permittatis vestras eis litteras pro adquirendis elemosinis hujusmodi convocato orias et exhortatorias concedentes juxta traditam a Sede Apostolica formam Datum apud London v idus Aprili pontificatus domini Clementis pape iv anno secundo