Charter Document - 07020583
| Charter Number: | 07020583 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1266 - 1279 |
| Date type: | Assigned |
| Resource Link(s): |
Borthwick Institute - Register 2 (f66v) |
Charter:
W[alterus] [] dilecto in Christi [] Roberto de Lesete decani Beverlecensi salutem [] Hoste humani generis dampnabiliter instigante effrenata multitudo populi Beverlaci adeo ut communitas totius municipii censeretur dudum in felicis recordationis Godfridus archiepiscopum patrem suum et pastorem qui ad locum ipsum tamquam ad propria declinavit ausu sacrilego insurgentes quasi furoris impetu hostia frangentes ecclesie campana pulsata communi cruces cum vexillis rapuerunt clausuram parci sui diruentes feras et alia qua inibi possidebat pro sue temeritatis libito rapiendo in animarum suarum grave dispendium ecclesiastice libertatis jacturam non modicam et sui patris presentis prejudicium et contemptum manifestum Propter que ratione previa dictus pater in certas personas ejusdem municipii excommunicationis sententiam nominatim protulit locum ipsum supponens ecclesiastico generaliter interdicto Porro vacationis tempore nonnulli eorundem ut ex eventu eminet ecclesiastice censure disciplinam illudentes vobis sub certa forma cui minime paruerunt a decano et capitulo Ebor absolutionis beneficium optinebant Nos quidem ex officii nostri debito ipsos moneri fecimus et eorum aliquos personaliter monuimus quod ecclesie nostra satisfacerent de commissis Attendentes ita que quod nec ex [h]ortationibus nec monitionibus parere se preparant quin potius sua videntur facinora falsis allegationum suffragiis palliare excommunicationum sententias dicti patris ut dictum est in certas personas promulgatas auctoritate dicti patris tenore presentium confirmamus illos nihilominus qui a capitulo absolvi sub certa forma meruerunt in pristinam dicti patris sententiam retrudentes quos etiam pro perjurio oportuno tempore puniamus Interdicti autem sententiam ad tempus duximus suspendendum ut si resipisci cupiant videamus Proponimus namque ipsorum exigente contumacia penam multipliciter augmentare ut quos Dei timor a malo non revocat ecclesiastice saltim coherceat [censura] discipline