Charter Document - 07020579
| Charter Number: | 07020579 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Collation |
| Date: | 1266 - 1279 |
| Date type: | Assigned |
| Resource Link(s): |
Borthwick Institute - Register 2 (f63r) |
Charter:
Sciendum sive proponendum coram venerabili patre domino Ottobonus Sancti Adriani diacono cardinali quod si sue sanctitati complaceat recordetur quam liberaliter et benigne contulimus suo germano domino Percevallo sacristariam in capella Sancte Marie et Angelorum Ebor et quam durum foret nobis et ecclesie ignominiosum probosum et sine estimatione dampnosum si ipsa sacristariam et prebende Ebor et Rypon quas idem Percevallus optinet per Sedem Apostolicam in aliam transferrentur personam quia ex inde contingeret quod ad collationem archiepiscopi nullis possent temporibus revocari et ecclesia filii sui solatio foret perpetuo destituta Item quantum periculum anime merito debet timeri cuicumque tantum detrimentum ecclesie procuranti cum ex inde curas negligi ecclesias ornamenta et domos destrui et jura deperire contingat pro eo quod mercenariis lac tantum et lanam querentibus et temporalia medullitus eminentibus et non pastoribus [curam] animarum sicut deceret querentibus committuntur Item quantum meritum quantam laudem et gloriam apud Deum et homines adquirere sibi poterit ac ecclesiam sibi astringere obligatione perenni ad debitum speciale si eam relevet filiorum suorum presentia magis quam aliqua alia regni Anglie sic orbatam set et no serimus ei obnoxii et ad ejus imperia preparati pro viribus in futurum necnon et in pecunia numerata vel alias sicut providerit et nobis erit possibile germano suo satisfacere curabimus hilariter et libenter ut ecclesie nostre de sua benignitate possit prospici nostris temporibus in hac parte