Charter Document - 07020575
| Charter Number: | 07020575 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1271 |
| Date type: | Internal, A.D., Calendar |
| Resource Link(s): |
Borthwick Institute - Register 2 (f61v) |
Charter:
Venerabili in Cristo patri M[atthaeus] Dei gratia Sancte Marie in Porticu Sancte Romana Ecclesie diacono cardinali W[alterus] permissione ejusdem [] Gaudentes si quid excogitare possemus vel facere vobis placens ut nobis inde daretur fiducia recurrendi ad vestra dominationis asilum quotiens nos vel ecclesiam nostram contigerit indigere placare vos libentius vellemus quatenus suppetunt nobis vires ut ad ea qua desideramus animi vestri dulcitudinem sentire possemus gratantibus inclinari ideo quantumcumque predecessorum nostrorum propriisque debitis pregravemur ac per eventus contrarios sicut alias vobis scripsimus adeo deprimamur quod nec respirare sufficimus nec propriis sustentari procuratori nostro in Curia per litteras nostras quas vestri fidelitati portitoris oraculi confidenter commisimus deportandas mandamus quod nos ad presens pro possibilitate nostra respiciat hilariter et libenter set paternitati vestre cum humilitate qua possumus supplicamus quatinus non modicitatem pensantes set voluntatem mittentis si eidem responderet facultas admittere dignemini dignanter oblatum quia per Dei gratiam data nobis respirandi gratia cito poterit emendari sub qua confidencia nostra et ecclesie nostre negotia qua procurator predictus dominationi vestre pro tempore plenius explicabit discretioni vestre recommendamus audacius et ea per mediationis vestre juvamen petimus promoveri ita si placet quod ecclesia Ebor de tanti domini patrocinio valeat gloriari et una nobiscum vestris imperiis magis reddatur obnoxia in futurum Datum London ii nonas Novembre anno gratie MCCLXX primo