Charter Document - 07020571
| Charter Number: | 07020571 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Order |
| Date: | 1269 |
| Date type: | Internal, Calendar, Episcopal |
| Resource Link(s): |
Borthwick Institute - Register 2 (f60r) |
Charter:
W[alterus] [] decano de Retford salutem Cum nos dudum Johannem de Steinegrive propter suas offensas manifestas semel et iterum in nostris synodis recitatas monitionibus premissis ex communicaverimus et excommunicatum denunciari fecerimus omnesque communicantes cum ipso et idem sue salutis immemor et honoris prodigus spiritu rebellionis assumpto in sua persistat contumacia claves ecclesie contempnendo ac fidelium communicationi se ingerens dum morbo tam contagiosa laborat gregem Dominicum maculare non cesset vobis mandamus sub pena canonice districtionis firmiter injungentes quatinus dictum Johannem et omnes communicantes cum ipso in singulis ecclesiis decanatus vestri tam conventualibus quam aliis per dies Dominicos et festivos accensis candelis et pulsatis campanis excommunicatos denuncietis et denunciari publice et solempniter faciatis Et quia se divinis ingerit impudenter ac in locis plerisque sibi facit dampnabiliter profanari municipia et loca singula per que idem Johannem transierit dum ibi steterit supponatis et supponi faciatis ecclesiastico interdicto quousque divina opitulante clementia ad cor rediens ductus spiritu consilii sanioris Deo et Ecclesie de premissis satisfecerit competenter inquirentes nihilominus diligenter de eorum nominibus qui ipsi Johannem scienter communicare presumpserint et ea nobis vel officiali nostro infra mensem post receptionem presentium per vestram intimantes scripturam ut contra eos rigidius procedamus secundum canonicas constitutiones Datum apud Lanum vi idus Junii pontificatus nostri anno tertio