Charter Document - 07020563
| Charter Number: | 07020563 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Bond |
| Date: | 1268 |
| Date type: | Internal, A.D., Calendar |
| Resource Link(s): |
Borthwick Institute - Register 2 (f59r) |
Charter:
Universis Cristi fidelibus [] W[alterus] Dei gratia [] salutem in Domino Noverit universitas vestra nos mutuo recepisse et habuisse apud London pro nostris et archiepiscopatus nostri gravibus et arduis negotiis et magnis necessitatibus utiliter expediendis a Reynerio Abbatis Jacobo Aymeri et Thesauris Amatoris solventibus et numerantibus tam pro se ipsis quam pro Cavalcante Jacobi de Schala Aymero Cose Petro Benincase Mainetto Spine Thoma Spiliati Hugone Spine et Mainetto Hugonis ac aliis sociis suis civibus et mercatoribus Florentinis octingentas et quinquaginta marcas bonorum et novorum et legalium sterlingorum tres decem solidorum et quatuor [denariorum] sterlingorum pro marca qualibet computatis De qua pecunia nomine nostro et archiepiscopatus nostri bene nos vocamus quietos et integre protestamur esse pacatos ac ipsam pecuniam in usus et utilitatem nostram et archiepiscopatus nostri bona fide et in verbo veritatis et sacerdotii protestamur ac confitemur conversam exceptioni non numeratas non solute et non tradite nobis pecunie penitus renuncia[n]tes Quas pretextas octingentas et quinquaginta marcas sterlingorum predicto modo et numero computandas nomine nostro et archiepiscopatus nostri promittimus et tenemur per legitimam stipulationem reddere et solvere dictis mercatoribus vel uni eorum aut eorum certo nuncio has litteras deferenti in festo Pentecostes Anno Domini MCCLX nono apud Novum Templum Londoniarum Si vero dicta pecunia predictis loco et termino sicut dictum est non fuerit integre persoluta et reddita ex tunc in antea nomine nostro et archiepiscopatus nostri promittimus et tenemur per antedictam stipulationem dare et solvere dictis mercatoribus vel uni eorum aut eorum certo nuncio per singulos duos menses pro singulis decem marcis predictis unam marcam dicte monete pro recompensatione dampnorum interesse et expensarum et expensas unius mercatoris cum uno equo et serviente ubicumque fuerit mercator usque ad solutionem integram totius pecunie memorate Expensas insuper factas et faciendas tam in judicio quam extra judicium pro dicta pecunia recuperanda reddemus et restaura bimus eisdem Credemus autem eis vel uni eorum aut eorum certo nuncio super dampnis et expensis per simplex verbum suum tantum sine juramento et alterius onere probationis nec computabimus dictam recompensationem in sortem dicti debiti nec retinebimus dictum debitum sub pretextu recompensationis predicte contra voluntatem dictorum mercatorum ultra terminum antedictum Pro quibus omnibus et singulis antedictis firmiter et fideliter observandis et adimplendis obligamus nos archiepiscopatum nostrum et successores nostros et omnia bona nostra archiepiscopatus nostri et successores nostrorum mobilia et immobilia ecclesiastica et mundana presentia et futura ubicumque fuerint inventa dictis mercatoribus et sociis ac heredes eorum Que bona ab eis precario nomine recognoscimus possidere usque ad plenarium solutionem omnium predictorum renunciantes in premissis omnibus et singulis pro nobis et archiepiscopatu nostro ac successores nostris omni juris auxilio canonici et civilis privilegio clericatus et fori epistole divi Adriani omni consuetudini et statute omnibus litteris indulgentiis et privilegiis a Sede Apostolica et a curia regia impetratis et impetrandis constitutioni de duabus dictis edite in Concilio Generali et specialiter indulgentie Sedis Apostolice Anglicis concesse qua cavetur ne Anglici extra Angliam trahantur ad causas per litteras Apostolicas et omni alii exceptioni et defensioni personali et reali que posset obici contra hoc instrumentum vel factum vel que nobis archiepiscopatui nostro et successores nostris possent prodesse et dictis mercatoribus et eorum sociis nocere Et quilibet dictorum mercatorum insolidum vel procurator unius eorum potest petere et recipere totum dictum debitum sine procuratione aliorum sociorum suorum Et volumus super hoc a dictis mercatoribus vel ab uno eorum aut eorum certo nuncio in omni loco libere conveniri et ad judicium trahi Omnia autem et singula supradicta promittimus bona fide et in verbo veritatis et sacerdotii firmiter tenere et adimplere ac in nullo contravenire In cuius rei testimonium presentibus nostris sigilli nostrum apposuimus Datum London iiij kalendas Maii anno domini MCCLX octavo