Charter Document - 07020546
| Charter Number: | 07020546 |
|---|---|
| Cartulary Title: | The Register of Walter Giffard, Lord Archbishop of York 1266-1279 |
| Charter Language: | Latin |
| Charter Origin: | Religious |
| Charter Type(s): | Order |
| Date: | 1268 |
| Date type: | Internal, Calendar, Papal |
| Resource Link(s): |
Borthwick Institute - Register 2 (f57r) |
Charter:
Ottobonus [] venerabili in Cristo patri episcopo Lincoln salutem Cum serenissimus princeps dominus Henricus rex Anglie illustris in annuo censu m marcarum sterlingorum domino pape et Romane ecclesie teneatur in cujus solutione per plures annos noscitur cessavisse dictusque dominus pape in favorem ejusdem regis de decima ecclesiasticorum proventuum regni Anglie ipsi regi ab Apostolica Sede gratiose concessa velit et mandet dictum censum sine dilatione persolvi paternitati vestre qua fungimur auctoritate firmiter precipiendo mandamus quatinus decimam secundi anni quam vobis in episcopatu Lincoln colligendam de voluntate prefati regis commisimus diligenter colligere ac fideliter conservare curetis nulli alii nisi magistro Sinitio ipsius domini pape camere clerico vel ejus certis nunciis et procuratoribus ad hoc specialiter constitutis ab ipso secundum quod clericus ipse mandabit sine difficultate qualibet ac dilatione assignandam Datum Cicestr nonas Januarii pontificatus domini Clement pape iv anno tertio